MIEN NEW ROMAN ภาษา เมี่ยนอักษรโรมัน
235. Tov Dor-Ziec Ziouv Tin-Dorngh Diex
1. tov dor-ziec ziouv tin-dorngh diex, weic ziouv ninh korh lienh mbuo za’gengh camv haic. Ninh bun mbuo cuotv seix benx baamh mienh, yaac hnamv mbuo camv haic maiv gunv mbuo se benx haaix dauh mienh, jomc faix, mienh maaih mienh. Buoz-zaux waaic mienh fai butv ndin mienh, dongh yietc zungv congh mengh zoqc nyei mienh. Haaix dauh gaaih zipv ziouv tin-hungh ziouc maiv zuqc ndortv deic nyuoqc.
2. tov dor-ziec ziouv nyei en. Bun^ninh nyei ndoqc dorn njiec daaih tengx baamh mienh. Zeix laai-hnaangx bun mbuo duqv gaux nyanc. Yietc liuz maaih gaux nyanc yaac maiv zuqc nzauh heix. Maaih biauv yiem yaac maaih cie duqv bieqc. Lungh mounz duih mbiungc njiec yungz gaengh zuangx. Lingh ndeic ngongh maaz saengh kuv yietc zungv. Haaix dauh gaaih zipv ziouv tin-hungh duqv yietc liuz nyei baengh orn.
3. ov tin-hungh meih hiuv nyungc-nyungc. Tov korh lienh, ov ziouv tov korh lienh yie. Yie se zuiz mienh oix fuh sux meih, oix zoux meih nyei nouh, taaih meih nyei mengh hoc. Tov bun meih nyei singx lingh dorh yie. Haaix zanc yie oix zoux nyei nyungc-nyungc, tov ziouv zanc-zanc yiem yie nyei hnyouv. Yie oix fungx yie ganh nyei maengc bun meih weic yie jaauv zaeqv.
THAI IU MIEN ภาษา เมี่ยน อักษรไทย
โท้ ตอ-เหฒี่ย เฒี้ยว ทิน-ต้อง เตี๋ย
1. โท้ ตอ-เหฒี่ย เฒี้ยว ทิน-ต้อง เตี๋ย, เหว่ย เฒี้ยว นิ่น ค่อ เลี่ยน บัว หฒะเก้ง ธั้ม ไห่. นิ่น ปุน บัว ธ้วด เสย เป๋น ป้าม เมี่ยน, หย่า ฮนั้ม บัว ธั้ม ไห่ ไม้ กุ๊น บัว เซ เป๋น หาย เต้า เมี่ยน, จ่ม ไฝ, เมี่ยน ม่าย เมี่ยน. ปั์ว-เหฒา หว่าย เมี่ยน ไฟ ปุ๊ด ดิน เมี่ยน, ต้ง เหยียด ฒู้ง ธ่ง เม่ง โหฒะ เญย เมี่ยน. หาย เต้า ก้าย ฒิบ เฒี้ยว ทิน-ฮู่ง ฯฒฯ ไม้ หฒุ ด๊อด เต่ย หญัวะ.
2. โท้ ตอ-เหฒี่ย เฒี้ยว เญย เอน. ปุน^นิ่น เญย โดะ ตอน เหฌี่ย ต้าย เถง ป้าม เมี่ยน. เหฒย ลาย-หฮนาง ปุน บัว ตุ๊ เก๋า หญั่น. เหยียด ลิ์ว ม่าย เก๋า หญั่น หย่า ไม้ หฒุ เฑ่า เหย. ม่าย เปย๊า เยียม หย่า ม่าย เธีย ตุ๊ เปียะ. ลู่ง โม์วน ตุ้ย บยู่ง เหฌี่ย ยู์ง แก้ง หฒวัง. ลี่ง เด่ย ง่ง ม์า แซ่ง คู้ เหยียด ฒู้ง. หาย เต้า ก้าย ฒิบ เฒี้ยว ทิน-ฮู่ง ตุ๊ เหยียด ลิ์ว เญย แป้ง ออน.
3. โอ๊ ทิน-ฮู่ง เม่ย ฮิ้ว หญู่งๆ. โท้ ค่อ เลี่ยน, โอ๊ เฒี้ยว โท้ ค่อ เลี่ยน เยีย. เยีย เซ ฒุ์ย เมี่ยน อ๋อย ฟู่ สู เม่ย, อ๋อย โหฒว เม่ย เญย โน่ว, ท่าย เม่ย เญย เม่ง โห่. โท้ ปุน เม่ย เญย สีง ลี่ง ต้อ เยีย. หาย หฒั่น เยีย อ๋อย โหฒว เญย หญู่งๆ, โท้ เฒี้ยว หฒั่นๆ เยียม เยีย เญย เฮญี้ยว. เยีย อ๋อย ฝูง เยีย กั้น เญย แหม่ง ปุน เม่ย เหว่ย เยีย จ๊าว แฒะ.